Video ekskluzive: Shikoni si e morën Begu e Mirsadi me shokë pikën kufitare në Goshincë!? (Video)

MPB dhe institucionet gjyqësore ende po heshtin për videon e publikuar nga portali Ohridsky, përmes së cilës pretendohet se ishte sulmi i ndërmarrë në Goshincë në prill të vitit të kaluar, nga ana e pjesëtarëve të armatosur të Grupit të Kumanovës.

Deri tani nuk ka asnjë reagim apo sqarim nga organet policore, por edhe nga partitë politike.

Portali Ohridsky.com ka publikuar një video ekskluzive për të cilën pretendohet se ka të bëjë me sulmin e armatosur të vitit të kaluar në postën kufitare në Goshincë, për të cilën vepër akuzohet grupi i Kumanovës. Videoja siç thuhet është siguruar nga ky portal.

Ja se çka shkruan Ohridsky:

“Sot redaksia jonë publikon videon ekskluzive, e cila deri tani nuk është publikuar dhe që ka të bëjë me sulmin në postën policore kufitare Goshincë. Kjo video është regjistruar përmes videombikqyrjes ndërkufitare në Qendrës Rajonale Kufitare “Goshincë”. Ky portal i bën thirrje ish-drejtuesve të MPB-së të sqarojnë për sulmin për të cilën e kanë ditur, por nuk kanë ndërmarrë asgjë për sigurinë dhe mbrojtjen e sovranitetit dhe integritetit territorial.

Kush nga pushteti dhe përse qëllimisht po fshehin të vërtetën dhe duan skenarin e pësëritur të 2001.”

MPB atëkohë informoi se incidenti ka ndodhur në orët e para të mëngjesit (21.04.2015) në pikën kufitare në fshatin Gushincë të Komunës së Likovës, pavarësisht se nuk ka pasur as krisma e as të lënduar. Sipas versionit të policisë një grup prej rreth 40 personash, me uniformë të UÇK-së dhe armatim të rëndë, kanë hyrë nga Kosova dhe kanë marrë nën kontroll pikën kufitare, duke mbajtur peng edhe 4 policët maqedonas.

Be the first to comment

Leave a Reply

Your email address will not be published.


*